مادری زبانوں کی تحریک کا اجلاس آج "مفکورہ” میں ہوگا

"مفکورہ ریسرچ اینڈ ڈویلپمنٹ سنٹر” اور خیبر پختون خوا میں بولی جانے والی گیارہ مادری زبانوں کے ایکٹیوسٹس کی "مادری زبانوں کی تحریک” کا اجلاس آج، 27 جون 2024ء، جمعرات، دو بجے پجگی روڈ پر واقع سنٹر میں منعقد ہوگا۔
اس تحریک سے وابستہ شعراء، ادباء اور کالج و یونی ورسٹی کے طلباء طویل عرصے سے یہ سوال اُٹھا رہے ہیں کہ جب ملک کے آئین میں مادری زبانوں کے تحفظ کی ضمانت دی گئی ہے، تو پھر مادری زبانوں کو نصاب میں لازمی مضمون کے طور پر کیوں شامل نہیں کیا گیا؟ اس ضمن میں عدالتی فیصلے اور متعلقہ اداروں کی طرف سے نوٹی فکیشنز بھی موجود ہیں، مگر اب تک اُستاد اور نصابی کتاب کے راستے میں رکاوٹیں موجود ہیں۔
اجلاس میں چار اہم مطالبات کو عملی جامہ پہنانے کے لیے مشاورت کی جائے گی اور احتجاجی لائحۂ عمل پر بھی غور کیا جائے گا، تاکہ مادری زبانوں کے تحفظ اور نصاب میں شمولیت کے لیے موثر اقدامات کیے جا سکیں۔