الیکشن کمیشن آف پاکستان ایک خود مختار اور آئینی ادارہ ہے، جو 23 مارچ 1956ء کو وجود میں آئی۔ آئینِ پاکستان کی رو سے یہ ادارہ پاکستان میں آزاد اور غیر جانب دارانہ انتخابات منعقد کروانے کا پابند ہے۔
آئینی طور پر چیف الیکشن کمشنر اس ادارے کا سربراہ ہوتا ہے جو ملک میں آزاد اور غیر جانب دارانہ انتخابات کے انعقاد کے علاوہ ہر امیدوار کی جانچ پڑتال کا بھی ذمہ دار ہوتا ہے۔ اس کے علاوہ ملک کی تمام سیاسی جماعتوں کا اس سے الحاق (رجسٹریشن) اور ان کے سیاسی و مالی اُمور کی نگرانی بھی ادارۀ ہٰذا کی ذمہ داریوں میں شامل ہے۔
