“آئی وائی آئی ہوٹل” انٹری فیس اور تصویر کا دوسرا رُخ

سوات کے تحصیل مٹہ میں واقع “آئی وائی آئی لگژری باغ ڈھیرئی ہوٹل” کے مالک عبدالمتین نے سوشل میڈیا پر شایع ہونے والی خبروں کو منگھڑت اور بے بنیاد قرار دیتے ہوئے کہا ہے کہ ہوٹل میں معیاری خوراک اور بین الاقوامی معیار کی سہولیات مہیا ہورہی ہے جس کی وجہ سے ہمارے ریٹ عام ہوٹلوں کے مقابلے میں معمولی اضافہ رکھتے ہیں۔ ہم پر الزام لگایا جارہا ہے کہ ہوٹل میں انٹری فیس لی جارہی ہے اس بات کی حقیقت یہ ہے کہ انٹری کی صورت ہوٹل میں مفت داخل ہونے والوں کا راستہ روکنا ہے کیوں کہ یہاں آنے والی فیملیز کو مشکلات کی شکایات تھیں۔ ہم ہوٹل انٹری کی جو فیس لیتے ہیں اسے بعد میں کھانے پینے کے بل میں ایڈجسٹ کرتے ہیں اور اس کے ذریعے ہوٹل میں مفت داخل ہونے کا راستہ روکنے کی ایک کوشش بھی ہے۔ انٹری فیس ہم صرف اور صرف اپنے مہمانوں کی سہولت کے لیے لیتے ہیں لیکن کچھ عناصر انٹری فیس کا نام لے کر ہمیں بدنام کرنے کی  ناکام کوشش کررہے ہیں جسے ہم مسترد کرتے ہیں۔