چیف جسٹس سے از خود نوٹس لینے کا اختیار واپس، عدالتی اصلاحات ترمیمی بل 2023ء کا مسودہ منظور

ذرایع کے مطابق ترمیمی بل کے مطابق از خود نوٹس کا فیصلہ تین سینئر ججز کریں گے، تین رکنی سینئر ججز کی کمیٹی از خود نوٹس کا فیصلہ کرے گی۔

ترمیمی بل کے تحت از خود نوٹس کے خلاف اپیل کا حق ہوگا اور 30 دن میں اپیل دایر ہوسکے گی، جس کو دو ہفتوں میں فکس کیا جائے گا۔

کابینہ سے منظوری کے بعد وزیرِ قانون اعظم نذیر تارڑ نے عدالتی اصلاحات کا بل “سپریم کورٹ پریکٹس اینڈ پروسیجر بل” قومی اسمبلی میں پیش کر دیا۔ جس پر رولنگ دیتے ہوئے سپیکر قومی اسمبلی راجا پرویز اشرف نے بل کو قایمہ کمیٹی برائے قانون و انصاف کو بھیج دیا۔

ذرائع کا کہنا ہے کہ قومی اسمبلی قایمہ کمیٹی برائے قانون و انصاف کا اجلاس کل صبح ہوگا، جس کی صدارت چیئرمین محمود بشیر ورک کریں گے۔ قایمہ کمیٹی قانون و انصاف کل ہی بل منظور کرکے ایوان میں رپورٹ دے گی۔ قومی اسمبلی کل عدالتی اصلاحات ترمیمی بل کی حتمی منظوری دے گی اور پھر مجوزہ بل جمعرات کو سینیٹ میں منظوری کےلیے پیش کیا جائے گا۔